Неймар нега кийиниш хонасида йиғлади?!
MIAMI GARDENS, FLORIDA - JUNE 24: Neymar Jr of Brazil during the FIFA World Cup 2026 Group C match between Scotland and Brazil at Miami Stadium on June 24, 2026 in Miami, United States. (Photo by Catherine Ivill - AMA/Getty Images)
Неймар 2023 йилдан бери Бразилия терма жамоаси сафидаги илк ўйинидан кейинги ҳиссиётлари билан ўртоқлашди.
Бош мураббий Карло Анчелотти 34 ёшли футболчини ЖЧ-2026 гуруҳ босқичи учинчи туридан ўрин олган Шотландияга қарши баҳснинг иккинчи бўлимида, бразилияликлар 3:0 ҳисобида олдинда бораётган вақтда захирадан майдонга туширди. Бу Неймар учун нафақат жорий мундиалдаги илк ўйин, балки деярли уч йил ичида миллий терма жамоа либосида майдонда илк бор кўриниш бериши бўлди.
«Ҳа, мен кийиниш хонасида йиғладим. Ўз ватанимга ёрдам бера олаётганим учун Худога шукр айтаман. Мен жуда бахтлиман», — дея Неймарнинг сўзларини The Touchline нашри келтирмоқда.
Бразилия терма жамоаси етти очко жамғарган ҳолда гуруҳда биринчи ўринни эгаллади.
