Трамп яна Жоржа Мелонини масхара қилди
АҚШ президенти Дональд Трамп Италия бош вазири Жоржа Мелонига нисбатан яна кескин баёнот қилди. У ўзининг Truth Social ижтимоий тармоғида Мелони билан тушган таҳрирланган суратни жойлаштириб, унга «RESTRAINING ORDER NEEDED» («Яқинлашишни тақиқловчи суд қарори керак») деган изоҳни ёзди.
Бу пост Трамп ва Мелони ўртасидаги сўнгги ҳафталарда авж олган оммавий тортишувнинг давоми бўлди. Аввалроқ Трамп Мелони унинг билан суратга тушиш учун «илтимос қилгани»ни даъво қилган эди. Италия бош вазири эса бу иддаони «тўқиб чиқарилган» деб атаган.
Шу билан бирга, фактчекинг ташкилотлари Трамп эълон қилган сурат таҳрирланганини, Мелонининг юз ифодаси аслидагидан ўзгартирилганини қайд этди.
