Марин Ле Пен Франциядаги президентлик сайлови рейтингида етакчилик қилмоқда
Агар Францияда президентлик сайлови ҳозир ўтказилганида, ўта ўнг қарашдаги «Миллий бирлашув» партияси етакчиси Марин Ле Пен биринчи турда 36 фоиз овоз тўплаган бўлар эди. Бу ҳақда Ifop институтининг LCI ва Le Figaro нашрлари буюртмаси билан ўтказган сўрови натижаларида айтилган.
Сўровга кўра, президент Эммануэл Макроннинг собиқ бош вазири Эдуар Филипп 19 фоиз овоз олган бўлар эди. Яна бир собиқ бош вазир Габриэль Атталь ҳамда сўл қанот сиёсатчиси Жан-Люк Меланшон эса 15 фоиздан қўллаб-қувватловга эга.
Иккинчи турда Марин Ле Пен Эдуар Филиппни 54 фоизга қарши 46 фоиз, Габриэль Аттални 55 фоизга қарши 45 фоиз, Жан-Люк Меланшонни эса 70 фоизга қарши 30 фоиз ҳисобида мағлуб этади.
Toluna Harris Interactive компаниясининг M6 ва RTL телеканаллари учун ўтказган яна бир ижтимоий сўрови ҳам шунга ўхшаш натижаларни кўрсатган.
Аввалроқ Париж апелляция суди Марин Ле Пенга Европа Иттифоқи маблағларини мақсадсиз сарфлаш иши бўйича чиқарилган ҳукмни юмшатиб, унинг сайланадиган лавозимларда ишлаш тақиқи муддатини қисқартирган эди. Бу қарор унга 2027 йилги президентлик сайловида иштирок этиш имконини берди.
Марин Ле Пен эса президентлик сайловида қатнашишини аллақачон расман эълон қилган.
