Путин энди Си Цзиньпиннинг тенг ҳамкори эмас, балки кичик шеригига айланди – The Wall Street Journal
The Wall Street Journal таҳлилига кўра, Украинадаги уруш ва иқтисодий яккаланиш Россиянинг Хитойга қарамлигини кескин кучайтирди. Натижада Пекин 2 давлат муносабатларида устун томонга айланиб, Москва эса тобора кўпроқ ён босишга мажбур бўлмоқда.
Нашрнинг ёзишича, Путин май ойидаги Пекин ташрифи давомида «Сибир кучи — 2» газ қувурини қуришга розилик олишни асосий мақсад қилган. Аммо Хитой бу лойиҳани фақат Россия газни ички бозордаги нархда сотса, маъқуллашини билдирган. Манбаларга кўра, Пекин россияликларга шартлар ўзгармагунча бу масалани қайта кўтармасликни ҳам айтган.
WSJ таъкидлашича, 2013 йилда Си Цзиньпин Путинни ўзига намуна деб атаган бўлса, бугунги кунда кучлар мувозанати бутунлай ўзгарган. Энди Хитой Россия билан муносабатларда деярли барча соҳаларда устунликка эга.
