Трамп жинсий тегажоғлик иши бўйича $5 млн компенсация тўлади
АҚШ Президенти Дональд Трамп айбдор деб топилганидан уч йил ўтиб жинсий тегажоғлик ва туҳмат иши бўйича ёзувчи ва журналист Элизабет Жин Кэрроллга 5 миллион доллардан ортиқ маблағ тўлаб берди. Бу ҳақда “Reuters” хабар берди.
Қайд этилишича, Оқ уй раҳбарининг эътирозларига қарамай, округ судьяси суд назорати остидаги ҳисобварақдан маблағни ўтказишга рухсат берганидан сўнг пуллар жабрланувчининг юридик фирмасига топширилган.
2023 йилда судьялар ҳайъати Кэрролл фойдасига 5 миллион доллар ундириш ҳақида қарор чиқарган эди, гарчи Трамп 1996 йилда Манхэттендаги “Bergdorf Goodman” универмагининг кийиниш хонасида уни зўрлаганини тасдиқламаган бўлса-да. Шундан сўнг, ёзувчи Президентга қарши очилган бошқа фуқаролик даъволарида ҳам ғолиб чиқиб, 88,3 миллион доллар ундиришга муваффақ бўлди.
Трамп Кэрроллнинг баёнотларини уйдирма деб атади ва у билан таниш бўлганини рад этди. Президент у гўёки содир бўлган зўрлашни ўз мемуарларини сотиш учун ўйлаб топганини даъво қилди ва ушбу суд ишини “қонунни қуролга айлантириш ва юридик уруш” дея масхара қилди.
Элизабет Жин Кэрролл олинган пулларни пенсия ҳисобварағига қўйишини, кейинчалик эса уларни хайрия ишларига йўналтириши мумкинлигини маълум қилди.
