Трамп иштирокида Испания терма жамоаси жаҳон чемпионлиги билан тақдирланди
2026 йилги Жаҳон чемпионати ғолиби Испания терма жамоасини тақдирлаш маросимида АҚШ президенти Дональд Трамп, ФИФА президенти Жанни Инфантино, Мексика президенти Клаудия Шейнбаум ва Канада Бош вазири Марк Карни иштирок этди.
Нью-Жерси штатидаги Ист-Ратерфорд шаҳрида жойлашган «МетЛайф» стадионида ўтказилган финал учрашувида Испания Аргентина устидан қўшимча бўлимларда 1:0 ҳисобида ғалаба қозониб, ўз тарихида иккинчи бор жаҳон чемпиони бўлди.
Тақдирлаш маросимида Дональд Трамп ва Жанни Инфантино футболчиларга медалларни топширди. Шундан сўнг улар Испания терма жамоаси сардори Родрига Жаҳон чемпионати кубогини тақдим этди.
Маросимда АҚШ президенти ёнида Мексика президенти Клаудия Шейнбаум ва Канада Бош вазири Марк Карни ҳам бўлди. Улар Испания терма жамоасини тарихий ғалаба билан табриклади.
Маълумот учун, 2026 йилги Жаҳон чемпионати АҚШ, Канада ва Мексикада ўтказилди. Мусобақа финалида Испания Аргентинани 1:0 ҳисобида мағлуб этди. Ғалаба голига Ферран Торрес муаллифлик қилди.
