Лондонда Хитойнинг йирик элчихонаси қурилиши қонуний деб топилди
Буюк Британия Олий суди Хитойга Лондонда улкан элчихона қуришга рухсат берилишини қонуний деб топди ва маҳаллий аҳолининг бунга қарши шикоятини рад этди.
Nikkei Asia эълон қилишича, элчихона Тауэр яқинидаги икки асрлик Royal Mint Court ҳудудида қурилади. Маҳаллий аҳоли ушбу бино жосуслик ёки диссидентларни кузатиш учун ишлатилиши мумкинлигидан хавотир билдирган эди.
Суд қарорида аҳоли томонидан инсон ҳуқуқлари бузилиши эҳтимоли бўйича етарли ва ишончли далиллар тақдим этилмагани қайд этилди.
