Тошкентдан Манчестерга тўғридан-тўғри авиарейслар йўлга қўйилиши мумкин

Тошкентдан Буюк Британиянинг Манчестер шаҳрига тўғридан-тўғри авиарейсларни йўлга қўйиш имконияти кўриб чиқилмоқда.

Тегишли келишувларга Буюк Британиядаги аэропортларнинг энг йирик оператори — «Манчестер Эйрпортс Групп» компанияси вакили билан ўтказилган музокаралар давомида эришилган.

Янги авиақатновнинг йўлга қўйилиши Ўзбекистон ва Буюк Британия ўртасидаги транспорт алоқаларини кенгайтириш, шунингдек, икки мамлакат ўртасидаги саёҳат ва ишбилармонлик қатновларини енгиллаштириши мумкин.