Ҳусийлар Саудия ҳарбий кучларига зарба берганликларини даъво қилмоқдалар

Ҳусийлар (Ансоруллоҳ) Яман ғарбий соҳилида ва Таиз ҳудудида давом этаётган ҳужумлар ҳамда ҳарбий сафарбарликка жавобан, Ал-Муха ҳудудидаги «Саудия ҳарбий хизматчилари ва қурол-яроғ омборлари тўпланган жойлар»га қарши кенг кўламли ҳужум уюштирганликларини эълон қилдилар.

Гуруҳ маълумотига кўра, ҳужумда кўплаб баллистик ракеталар ва дронлардан фойдаланилган. Ҳусийлар ушбу зарба ҳарбий техника ва қурол-яроғга жиддий зарар етказганини, шунингдек, ўнлаб одамларнинг — жумладан, Саудия ҳарбий хизматчиларининг — ҳалок бўлиши ёки яраланишига сабаб бўлганини даъво қилмоқдалар.