Украина илк бор ўзининг FP-7 баллистик ракетасини жангда қўллади
Украинада мустақил равишда ишлаб чиқилган илк FP-7 баллистик ракетаси Россия назоратидаги Украина ҳудудида жойлашган нишонга зарба бериш учун қўлланилди. Украина президенти Владимир Зеленский бир кун аввал ушбу ракетанинг илк бор жанговар шароитда ишлатилганини маълум қилган эди. Бу ҳақда The Wall Street Journal ўз манбасига таяниб хабар берди.
Манба зарба ҳақида бошқа тафсилотларни келтирмаган. Украина президенти ҳам ҳужумнинг тафсилотлари ва оқибатларини очиқламаган, фақат ракетанинг учирилиши ва парвозини акс эттирувчи видеони эълон қилган.
Ишлаб чиқарувчи Fire Point компанияси маълумотига кўра, янги ракета 200 килограммгача оғирликдаги жанговар каллакни олиб юриши ва 250 километргача масофадаги нишонларни йўқ қилиши мумкин.
FP-7 «Freyja» лойиҳаси учун баллистик ракеталарни тутиб қолувчи восита сифатида ишлаб чиқилган. У келажакда Американинг ATACMS ракеталарига нисбатан «иқтисодий жиҳатдан самарали» муқобилга айланиши кўзда тутилмоқда.
