Google биринчи марта сунъий интеллект чипини космосга юборди — орбитал дата-марказ яратиш режалаштирилмоқда
Google ўзининг сунъий интеллект учун мўлжалланган TPU чипини SpaceX Falcon 9 ракета-ташувчиси орқали орбитага чиқарилган сунъий йўлдош бортида космосга юборди. Suncatcher лойиҳаси доирасида компания чипнинг радиация, чекланган энергия таъминоти ва совитиш муаммолари мавжуд космик шароитда барқарор ишлай олишини синовдан ўтказади. Ҳозирча қизиб кетишнинг олдини олиш учун чип қисқа сеансларда ишлайди.
Google 2027 йилда лазер канали орқали маълумот алмаша оладиган ва мураккаброқ ҳисоб-китобларни бажарадиган яна иккита сунъий йўлдошни учиришни режалаштирмоқда.
Келажакда компания сунъий интеллект вазифаларини параллел қайта ишлайдиган ягона ҳисоблаш кластерига бирлаштирилган 81 та сунъий йўлдошдан иборат орбитал дата-марказ яратиш имкониятини кўриб чиқмоқда.
