Киев Вашингтонга Россия нишонлар рўйхатини топширди
Украина Мудофаа вазири Рустем Умеров АҚШга ташрифи чоғида Америка томонига Россия ҳудуди чуқурлигидаги нишонлар рўйхатини уларга зарба бериш учун топширди.
“Биз Украина халқини Россия терроридан ҳимоя қилиш учун нима қилиш кераклигини тушунтирдик. Умид қиламанки, биз эшитишди”, — деди Умеров CNN телеканалига берган интервьюсида.
Украина Мудофаа вазирлиги раҳбарининг сўзларига кўра, бундай ҳужумларни амалга ошириш учун Американинг узоқ масофали АТАCМS ракеталаридан фойдаланиш мумкин. Бироқ, CNN’нинг хабар беришича, Қўшма Штатлар ушбу турдаги ракеталардан Россия ҳудудудида фойдаланишга қўйилган чекловларни тез орада бекор қилиши даргумон.
Аввалроқ Пентагон матбуот котиби Патрик Райдер ушбу чекловлар кучда қолаётганини эълон қилган эди. Вашингтон, шунингдек, Киев АТАCМS ракеталарини янги етказиб берилишини кутмаслиги кераклигини билдирди.
