Аёллар «Ягона Россия» офисига ўт қўйди

Пермда 24 октябрга ўтар кечаси икки аёл «Ягона Россия» партияси минтақавий бўлими ҳудудига Молотов коктейлини улоқтирди. Ёнғин 40 квадрат метрга яқин майдонда содир бўлди, деб хабар берди ФВВ вилоят бошқармаси. Бино қисман қулаб тушган.

Ёнғин вақтида аёллардан бирининг кийимлари ёниб кетган, аммо уни бошқа ўт қўювчи ўчиришга улгурган, деб ёзмоқда Россия ОАВлари ёнғинни суратга олган гувоҳларга таяниб. Бир версияга кўра, ўт қўйганлар телефон фирибгарларининг кўрсатмаларини бажарган бўлиши мумкин.

Ўз навбатида, «Ягона Россия» минтақавий бўлими котиби ўринбосари Вячеслав Григорев, маҳаллий 59.ru нашрининг хабар беришича, ёнғин чиқаришни федерал телеканал эфирида айтиб ўтилган гуманитар юк жўнатилиши билан боғлади. «Агар икки ва иккини қўшсак, бу қасос эканлиги аниқ,» – дея таъкидлади у.

Ёнғин чиқаришда гумонланаётганлар қидирилмоқда, 59.ru маълумотларига кўра, уларнинг шахси ҳозирча аниқланмаган.