АҚШ Эронни Исроилнинг бугунги зарбасига жавоб бермасликка чақирди
Қўшма Штатлар Эронни Исроилнинг бугунги зарбасига жавоб бермасликка чақиради ва яҳудий давлатининг бу операциясини икки томон ўртасидаги ҳарбий қарама-қаршиликнинг якуни, деб ҳисоблайди.
Бу ҳақда Америка маъмуриятининг юқори мартабали вакили жума куни кечки пайт журналистлар учун Исроилнинг Эронга берган зарбасига бағишланган махсус брифингда сўзлаган.
«Исроил ва Эрон ўртасидаги тўғридан-тўғри ҳарбий зарбалар алмашинувига келсак, биз ҳақиқатан ҳам бу (яҳудий давлатининг жорий операцияси – таҳр.) бу тўғридан-тўғри алмашинувни якунлаши керак, деб ҳисоблаймиз» – деди АҚШ ҳукумати ижроия ҳокимияти вакили. «Биз ва бу тўғридан-тўғри алмашинувга келсак, нима бўлганлиги бунинг охири бўлиши керак», деди брифинг бошловчиси.
«Айтишим керакки, биз Яқин Шарқ минтақасидаги кўплаб мамлакатлар, жумладан, Эрон билан яқин алоқада бўлган давлатлардан ҳам худди шундай гапларни эшитдик», деди америкалик расмий.
У Теҳрон Вашингтон Исроилнинг Эронга қарши янги ҳарбий куч қўллаши муносабати билан қандай қадамлар қўйиши мумкинлиги ҳақида сигнал берганми ёки йўқлигини аниқлаштиришдан бош тортди. Шу билан бирга, Вашингтон маъмурияти вакили Қўшма Штатлар Эрон билан кўплаб алоқа каналларига эга эканлигини тасдиқлади. “Бизда Эрон билан тўғридан-тўғри ва билвосита кўплаб алоқа каналлари мавжуд”, – деди расмий.
