Тошкентда калхат учиб юргани кузатилди
Ижтимоий тармоқларда Тошкент шаҳрининг Мирзо Улуғбек туманидаги метро бекати яқинида йиртқич қуш ҳисобланган калхат учиб юргани акс этган видео тарқалди.
Тошкент ҳайвонот боғи маъмуриятининг маълум қилишича, боғ ва Экология вазирлиги ходимлари ҳамкорлигида йиртқич қуш ҳайвонот боғига қайтарилган.
“Бизнинг Гриф Ғўша кичик саргузаштга отланган кўринади. У бир неча кун шаҳарни ўрганди, лекин охир-оқибат ўз уйидан яхши жой йўқлигини тушунди, — дея қўшимча қилади боғ маъмурияти.
Маълумот учун: ушбу калхатнинг қанотлари катта бўлсада, у ҳайвонот боғида ўсган ва ёввойи табиатда яшашга мослашмаган.
