Осиё савдо маркази
Хитойнинг дунёнинг қолган қисми билан савдо профитсити деярли 1 триллион АҚШ долларига етди. 2023 йилда унинг жаҳон экспортидаги улуши 14 фоизни ташкил этган, АҚШники эса 8,5 фоиз бўлган.
Хитой ўзини Осиё савдо марказига айлантириш мақсадида минтақа давлатлари билан ҳамкорлик қилмоқда. Хитойнинг «Бир камар, бир йўл» ташаббуси 150 га яқин мамлакатда инфратузилмани молиялаштирмоқда, чунки Хитой компаниялари Америка божларидан қочиш ва бозорларини хилма-хил қилиш учун халқаро миқёсда сармоя киритмоқда.
Ҳозирги кунда Хитой жаҳон ишлаб чиқаришининг 35 фоизини ташкил этади. Бирлашган Миллатлар Ташкилоти башоратига кўра, 2030 йилга келиб бу кўрсаткич 45 фоизга етади.
Хитой бу мақомга самарали, юқори сифатли инфратузилма барпо этиш орқали эришди.
Шунингдек, у рақобатбардош ва инновацион технологик ҳамда тижорат экотизимларини шакллантирди. Яқинда соҳани тубдан ўзгартираётган Хитойнинг сунъий интеллект стартапи DeepSeek пайдо бўлгани буни яққол кўрсатиб турибди.
