Пике коррупция айбловларини рад этди ва судда йиғлади

«Барселона» клуби ва Испания терма жамоасининг собиқ ҳимоячиси Жерар Пике Испания Суперкубоги мезбонлигини Саудия Арабистонига топширишдаги коррупция иши бўйича судда сўзга чиқди, деб ёзади El Pais.

14 март куни Пике судда сўзга чиқди. Унинг ҳимоячиси агентлик томонидан олинган барча тўловлар қонуний бўлганини таъкидламоқда. Суд якунида собиқ футболчи йиғлаб юборди ва бу иш унинг обрўсига путур етказганини айтди.

Испания Қироллик Футбол Федерацияси (RFEF) 2019 йилда Саудия Арабистони билан Испания Суперкубогини ўтказиш бўйича шартнома имзолаган. Битимда Пике бошчилигидаги Космос агентлиги воситачилик қилган.

Испания терма жамоасининг собиқ футболчисига 4 миллион евро миқдорида шартнома бўйича комиссия тўловларини олгани учун айблов эълон қилинди.