Трамп америкаликларга жиноятга тўла ҳаётни ваъда қилди
АҚШ президенти Доналд Трамп Х ижтимоий тармоғида ёзишича, Америка судларининг президент маъмуриятига муҳожирларни чиқариб юборишда кўмаклашишдан бош тортиши АҚШ асосчилари ғояларига зид.
«Судьялар қандай қилиб АҚШга жиноятчиларни, жумладан қотилларни, мамлакатимиздан улар келган жойга чиқариб юборишга рухсат бермаяпти? Агар шундай бўлса, биз билган мамлакатнинг куни битди дегани. Америкаликлар бутунлай бошқача, жиноятларга тўла ҳаётга кўникишлари керак бўлади. Бу асосчиларимиз мутлақо назарда тутмаган нарса!» – дея таъкидлади Трамп.
