Алонсо Винисиусдан нималар кутаётганини айтди
«Реал» бош мураббийи Хаби Алонсо бразилиялик ҳужумчи Винисиус Жуниорнинг жамоадаги роли ҳақида фикр билдирди.
«Мен унинг яхши ўйнаётганини кўряпман, лекин биз ундан ҳал қилувчи бўлишини кутяпмиз. Винисиусда бундай сифат бор – у кутилмаган ҳаракатларга бой. У кайфият билан ўйнаса ва ўзига мос ўйин кўрсатса, жамоага жуда катта ёрдам беради», – дея Алонсонинг сўзларини келтиради Ge.Globo.
Винисиус 2018 йилдан буён «Реал» шарафини ҳимоя қилмоқда. Унинг клуб билан шартномаси 2027 йилгача амал қилади. У ўтган мавсумда барча мусобақаларда 53 та ўйинда қатнашиб, 21 та гол ва 18 та голли узатма муаллифи бўлди.
