Погба 2 йиллик танаффусдан сўнг яна футболга қайтди

Поль Погба «Монако»га ўтди.

Лига 1 клуби 32 ёшли ярим ҳимоячи билан шартнома имзолаганини эълон қилди. Шартнома икки йилга мўлжалланган.

Хавбек монаколиклар сафига эркин агент сифатида қўшилди. У 2024 йилда антидопинг қоидаларини бузгани учун дисквалификация қилингач, «Ювентус»ни тарк этганди.

Аввалроқ «Манчестер Юнайтед»да ҳам ўйнаган Погба сўнгги бор 2023 йилнинг сентябрида майдонга тушганди.