«Эркак бўлиб туғилгансан, эркак бўлиб ўласан»
“Эркак бўлиб туғилгансан, эркак бўлиб ўласан”. Журналист Макронлар оиласининг унга қарши суд даъвосига жавоб берди
Америкалик журналист Кендис Оуэнс Франция биринчи хоними Брижит Макронни ҳали ҳамон эркак деб ўйламоқда.
“Сен эркак бўлиб туғилгансан ва эркак бўлиб ўласан. Мана шуни айтмоқчиман. Мен сени руҳий жиҳатдан соғлом эмас, жирканч деб ҳисоблайман. Ва мен бу курашни бутун дунё номидан олиб боришга тайёрман. Бутун дунё номидан сен билан судлашаман”, деган Оуэнс.
Бу гаплар, Франция Президенти Эммануэл Макроннинг АҚШда Оуэнсни судга берганидан сўнг айтилган. Макроннинг даъвосида Брижитни эркакка чиқарган Оуэнснинг иддаолари ёлғон ва шаънига путур етказувчи туҳмат деб ҳисобланган.
