Ундан фақат мотивация олиш мумкин!..

Расмдаги Сабрина Пастерский, янги Эйнштейн деб аталаётган қиз. У 14 ёшида самолёт двигателини қандай ясашни билар, 16 ёшида эса у ўзи ясаган самолётда учган энг ёш учувчига айланган эди. Ҳозир у физика фанлари доктори илмий даражасига эга бўлиб, қора туйнуклар бўйича илмий тадқиқотлар олиб бораяпти.

Сабрина Пастерский докторлик диссертациясини Гарвард университетида ёқлаган. Унинг докторлик диссертацияси – физиканинг энг қийин соҳаларидан ҳисобланган қора туйнуклар, гравитация табиати ва фазо-вақт (макон ва замон) мавзуси бўйича ўтказган назарий тадқиқодларни ўз ичига олади.

Сабринанинг бу мавзуга ёндошуви университет ходимлари томонидан жуда юқори баҳоланди ва улар ўзларининг «янги Эйнштейн» билан ишлаётганликлари билан фахрланишларини матбуотда эълон қилишди.

Сабрина Пастерскийнинг отаси америкалик, онаси кубалик бўлиб, ўзи Чикагода туғилган ва истеъдодли болалар мактабида ўқиган. 2013 йилда у йигирма йил ичида Массачусетс технология институтини физика мутахассислиги бўйича тугатган биринчи аёл ҳисобланиб, университетнинг энг яхши талабасига айланди.

Стивен Хокинг ўзининг 2016 йилда чоп этган мақоласида Сабринанинг илмий ишидан бир неча изоҳлар келтирган. Aмазон асосчиси Жефф Безос Сабринанинг мухлиси сифатида унинг сурати тушурилган футболка кийиб, уни ўзининг Bluе Origin космонавтларни тайёрлаш компаниясида ишлашга таклиф қилди. Унинг сўзларига кўра, Сабрина бу компанияда ўзи хоҳлаган жойида ишлаши мумкин.

Сабрина Пастерскийга НАСА ҳам шундай таклиф берди.

Лекин у ҳозирча иккала компанияни ҳам рад этди. У журналистларга берган интервьюсида –

Мақсади ҳеч қандай босимсиз ўзининг илмий тадқиқотлари билан шуғулланмоқчи эканлигини таъкидлади.