Шавкат Мирзиёев Япония бизнес вакиллари билан учрашув ўтказди
Ўзбекистон президенти Япония ишбилармонларини Ўзбекистон иқтисодиётини модернизация қилиш жараёнларида фаол иштирок этишга таклиф қилди.
Қайта тикланадиган энергия манбалари ва захиралаш тизимларини ривожлантириш, муҳим минералларни чуқур қайта ишлаш, машинасозлик, сунъий интеллект ва рақамлаштириш ўзаро ҳамкорликнинг муҳим йўналишлари бўлиши мумкинлиги қайд этилди.
Президент сўз якунида Ўзбекистон Японияни нафақат инвестор, балки келажак саноатини барпо этишда ўзининг стратегик ҳамкори сифатида билишини таъкидлади.
