Эронда АҚШ билан энергетика соҳасида ҳамкорлик қилишга рухсат берилди
Эрон ташқи ишлар вазири Аббос Аракчи янги ядровий келишувга эришилса, Теҳрон ва Вашингтон қўшма энергетика лойиҳаларини амалга ошириши мумкинлигини айтди.
Дипломат CNN Турк телеканалига берган интервьюсида бу соҳадаги муносабатларни юмшатишнинг асосий шартлари АҚШ Эрон ядровий дастурининг тинчликпарварлигини тан олиши ва санкцияларни бекор қилиши эканлигини таъкидлади.
«Агар биз Эрон ва АҚШ ўртасида ядровий муаммо бўйича келишмовчиликларни ҳал қила олсак ва янги ядровий келишувга эриша олсак… ва санкциялар бекор қилинса, унда… энергетика соҳасида ҳамкорлик шаклланиши мумкин,» – дея таъкидлади Аракчи.
