Зеленский: Россия Украина темирйўл ва транспорт инфратузилмасига зарбаларни кучайтирмоқда

Украина президенти Владимир Зеленскийнинг маълум қилишича, Россия қўшинлари Украинадаги темирйўл ва транспорт инфратузилмасига ҳужумларни кучайтирган.

Шу билан бирга, у Россия ўтган ҳафта қисқа муддатли энергетик сулҳга рози бўлганидан бери энергетика объектларига йўналтирилган зарбаларни амалга оширмаётганини қайд этди.

Зеленскийнинг таъкидлашича, вазият фронт орти инфратузилмасига босим ортиб бораётганини кўрсатмоқда.