ОИЛАНИНГ СИРИНИ ДОСТОН ҚИЛМАСЛИК КЕРАК!

Эр-хотин орасида низо чиқди. Аёл ўтириб юм-юм йиғларди. Шу вақт эшик қўнғироғи чалинди. Аёл эшикни очиб қараса, уни кўргани ота-онаси келибди. Қизининг йиғидан қизарган кўзларини кўрган ота-она табиийки, хавотирга тушди.
— Тинчликми, қизим? Нега бунча йиғладинг?
Қизи мунгли юзини ним табассумга айлантириб, шундай деди:
— Айтсам ишонмайсизлар, сизларни жуда соғингандим, кўргим келганидан ичим йиғлаб ўтиргандим. Не ажабки, эшик қоқиб келиб ўтирибсизлар!
Бу гапни нарги хонадаги эр эшитиб турганди. Хотинининг матонати, оила сирини дийдиё қилмаганидан унга ҳурмати ошди, ўз қилмишидан эса хижолат тортди.
Оила ҳикмат, сабр-тоқат ва матонат билан қўриқланади.