Шармандага шаҳар кенг…(Видео)
Шакира “Las Mujeres Ya No Lloran World Tour” доирасидаги Сан-Салвадор шаҳрида бўлиб ўтган консерти вақтида кичик нохуш ҳолатга дуч келди. Хонанда “Si te vas” қўшиғини жонли ижро этаётган пайтда саҳнада сирғаниб, йиқилди.
Шунга қарамай, у бир неча сония ичида ўрнидан туриб, томошабинларга жилмайди ва чиқишини тўхтатмасдан давом эттирди. Мухлислар эса хонандани қарсаклар ва олқишлар билан қўллаб-қувватлашди. ОАВ маълумотларига кўра, Шакира жиддий жароҳат олмаган ва консерт юқори кайфиятда давом этган.
