Биз кўп шартларга рози бўлдик — Владимир Зеленский

Украина президенти Владимир Зеленский Мюнхен хавфсизлик конференцияси вақтида Politico нашри журналистининг «Украина АҚШ босими остида қандай шартларга кўнишга тайёр?», деган саволига жавобан Киев етарлича масалаларда муросага келганини айтди.

«АҚШ, жумладан президент Трамп томонидан муроса вақти келганига тегишли айрим ишоралар бўлди. Улар сиз ҳам баъзи қадамлар ташлашингиз керак, дейишмоқда. Аммо биз аллақачон кўп шартларга рози бўлдик. Путин ва унинг атрофидагилар қамоқда эмас. Бу — дунё қилган энг катта муросадир», — деди президент.

Унинг айтишича, АҚШ босими остида Украина олдиндан ҳеч қандай шарт қўймасдан ўт очишни тўхтатишга рози бўлган. Бироқ Россия бу таклифни қабул қилмаган.