Қизи қўлингда бўлганидан кейин қудангни уриб кўр қилишинг, чикора иш!!!
Бухорода оилавий низо оқибатида қудасини уриб, унинг бир кўзини кўр қилиб қўйган фуқарога суд ҳукми ўқилди. Бу ҳақда “Миллар” дастурида хабар қилинди.
Қайд этилишича, низо сабаб келин ўз отасини уйига чақирган. Эркак уй эгалари билан жанжаллашиб кетган. Келиннинг қайнотаси бунинг ортидан қудасини уриб, унга тан жароҳати етказган.
Суд-тиббий экспертиза хулосасига кўра, фуқаро қудасига берган зарбаси унинг ўнг кўз кўриш қобилиятини йўқотиши билан давом этган қон қуйилишига олиб келган. Судланувчи жанжал вақтида маст ҳолатда бўлган.
Фуқаро Жиноят кодексининг тегишли моддасига асосан айбдор деб топилиб, унга 5 йил-у 6 ой муддатга озодликдан маҳрум қилиш жазоси тайинланди.
Жабрланувчига етказилган моддий-маънавий зарарларни ундириш юзасидан тегишли ҳужжатларни илова қилган ҳолда фуқаролик судига мурожаат қилиши мумкинлиги тушунтирилган.
Қашқадарёда ўз уйига ўғри ёллаб, уй бекаси ўлимига сабабчи бўлган келин ва унинг шериклари қамалгани хабар қилинганди. Айбланувчиларга 10 йилдан 18 йилгача озодликдан маҳрум қилиш жазолари тайинланган.
