Уруш тугайди? Ким айтди?! У энди бошланди!..

АҚШ ва Исроилнинг Эронга қарши операцияси тугаётгани йўқ, аксинча, у аланга олмоқда. Бу ҳақда 1 апрель куни Чикаго университети профессори Жон Миршаймер баёнот берди.

«Уруш бир ҳафта ичида ёки шунга яқин вақтда тугайди ва биз бахтли-саодатли яшаймиз, деган фикр — хомхаёлдир. Низо эндигина бошланмоқда», — деди у «Deep Dive» YouTube-каналига берган интервьюсида.

Профессорнинг қўшимча қилишича, Теҳрон кун сайин Вашингтон ва Тель-Авив билан ҳамкорлик қилишга камроқ мойиллик билдирмоқда, чунки улар Эрон хавфсизлигига тўғридан-тўғри таҳдид солмоқда.

Эслатиб ўтамиз, 1 апрель куни АҚШ Президенти Дональд Трампнинг Эрондаги уруш тугаганини эълон қилиш ва Ҳурмуз бўғози билан боғлиқ ҳал бўлмаган муаммода НАТОни айблаш ниятида эканлиги маълум бўлган эди.