Истанбулда Ирон ва Баҳрайн ўртасида даҳшатли дипломатик жанжал!

Истанбул мезбонлик қилаётган Парламентлараро Иттифоқнинг 152-ассамблеяси кутилмаган ва кескин сиёсий тўқнашув майдонига айланди. Эроннинг собиқ Ташқи ишлар вазири Манучеҳр Моттаки Баҳрайн вакилининг нутқини кескин бўлиб, бутун дунё кўз ўнгдида оғир айбловларни ёғдирди. Дипломатик этикет четга сурилди — саҳнада ҳақиқий «сиёсий дуэл» бошланди!

«АҚШнинг террорчи флоти Баҳрайнда нима қиляпти?»

Эрон дипломатиясининг «оғир вазни» ҳисобланган Моттаки Баҳрайнлик вакилга юзланар экан, унинг сўзлари зал узра момақалдироқдек янгради:

«Сиз қайси юз билан гапиряпсиз? Нима мақсадда АҚШнинг террорчи Бешинчи флотини ўз тупроғингизга, Баҳрайнга жойлаштирдингиз?»

Моттаки Баҳрайнни АҚШнинг минтақадаги агрессиясига шерикликда айблади. Унинг таъкидлашича, Баҳрайн ўз ерларини ва стратегик объектларини Америка ҳарбий базалари учун очиб бериш орқали Ислом олами ва минтақа хавфсизлигига хиёнат қилмоқда.

Баҳрайн — АҚШнинг Яқин Шарқдаги «уясими»?

Маълумот учун, Баҳрайнда жойлашган АҚШ Ҳарбий-денгиз кучларининг Бешинчи флоти Форс кўрфазидаги энг йирик ҳарбий кучдир. Ирон учун бу флот шунчаки ҳарбий бўлинма эмас, балки унинг бўғзига тиралган «ханжар» демакдир. Моттакининг фикрича, Баҳрайн маъмурияти ўз суверенитетини Вашингтонга топшириб юборган ва бугунги қонли тўқнашувларда Американинг асосий полигонига айланган.

Дипломатия тугаган жой: Стамбул коллизияси

Гувоҳларнинг сўзларига кўра, Истанбулдаги бу ҳолат оддий баҳс эмас, балки Яқин Шарқдаги икки йирик қутб ўртасидаги нафратнинг юзага чиқиши бўлди. Баҳрайн вакили бу кутилмаган ҳужумдан гангиб қолган бир пайтда, Моттаки АҚШнинг минтақадаги ҳарбий иштирокини «давлат терроризми» деб атади ва бунга имкон яратганларни тарих кечирмаслигини айтди.

Нима учун бу муҳим?

Бу воқеа шуни кўрсатадики, минтақада тинчлик музокаралари ўрнини очиқдан-очиқ адоват эгалламоқда. Эрон ва Баҳрайн ўртасидаги бу жанжал шунчаки сўз ўйини эмас, балки яқинлашиб келаётган каттароқ бўҳроннинг белгиси бўлиши мумкин. Агар Баҳрайн АҚШ флотига бошпана беришда давом этса (ки бу аниқ), Теҳроннинг жавоби фақат минбарлардаги нутқлар билан чекланиб қолмайди!