«Ўзига қолса-ку, ҳамма нарса мумкин! Муҳими — соққасини тўласин!..»

Америка Қўшма Штатлари ҳукумати кутилмаган қарор қабул қилди: энди Венесуэла президенти Николас Мадуро ва унинг рафиқаси Силия Флорес АҚШ судларида ўзларини ҳимоя қилиш учун адвокатлар хизматини Венесуэла давлат бюджети ҳисобидан тўлашлари мумкин.

Бу ҳақда 25 апрель куни Нью-Йорк штати Жанубий округ федерал суди базасидаги ҳужжатларга таяниб, ТАСС хабар берди.

Нима ўзгарди?

Аввалроқ АҚШнинг санкциялари туфайли Венесуэла ҳукуматининг ҳисоб рақамлари музлатиб қўйилган ва Мадуро адвокатларига ҳақ тўлаш имконсиз бўлиб қолган эди. Бунинг ортидан ҳимоячилар Мадурога нисбатан қўйилган жиноий айбловларни тўхтатишни талаб қилишган, чунки «пул тўланмаса, ишламаймиз» қабилида иш тутишган эди.

Энди эса АҚШ Молия вазирлиги ҳузуридаги Хорижий активларни назорат қилиш бошқармаси (OFAC) махсус лицензияларга ўзгартириш киритди. Унга кўра:

• Адвокатлар Мадуро ва унинг хотинини ҳимоя қилгани учун Венесуэла ҳукуматидан тўғридан-тўғри тўловларни қабул қилиши мумкин.

• Фақат бир шарт билан: тўловлар маълум бир белгиланган техник шартлар асосида амалга оширилиши керак.

Натижа:

Бу рухсатнома пайдо бўлиши билан адвокатлар ўзларининг аввалги «пулимиз йўқлиги учун ишни тўхтатинг» деган аризаларини қайтариб олишди. Кўриниб турибдики, сиёсат — сиёсат, лекин адвокатларнинг «чўнтаги» биринчи ўринда.

Бу нимани англатади?

АҚШ маъмурияти бир қўли билан Мадурони «жиноятчи» деб айблаётган бўлса, иккинчи қўли билан унинг давлат хазинасидан адвокатларга миллионлаб доллар тўлашига шароит яратиб бермоқда. Бу — халқаро дипломатиядаги навбатдаги «иккиюзламачилик»ми ёки Трамп маъмуриятининг Мадурони суд орқали қонуний «тузоққа» тушириш режасими?

Нима бўлганда ҳам, Венесуэла халқининг пуллари энди Американинг қимматбаҳо адвокатлари ҳисоб рақамларига оқиб ўтишни бошлайди.