НАТОнинг парчаланиши давом этмоқда — Туск
Польша Бош вазири Дональд Туск АҚШнинг Германиядан 5000 нафар аскарини олиб чиқиш қарорига изоҳ бериб, NATO ичидаги бирлик заифлашаётганини таъкидлади.
Унинг сўзларига кўра, трансатлантик ҳамжамият учун энг катта таҳдид ташқи душманлар эмас, балки альянснинг ўз ичидаги парчаланиш жараёнидир.
“Трансатлантик ҳамжамият учун энг катта таҳдид унинг ташқи душманлари эмас, балки иттифоқимизнинг давом этаётган парчаланишидир”, — деди Туск.
Ушбу баёнот АҚШнинг Германиядаги ҳарбий иштирокини қисқартириш қарори фонида янгради. Таҳлилчиларга кўра, бу қадам НАТО доирасидаги ҳамкорлик ва ишончга таъсир кўрсатиши мумкин.
