Наманганда қўй гўшти ишлаб чиқариш босқичма-босқич оширилади
Бу ҳақда Шавкат Мирзиёевнинг «Наманган қўйчилик кластери»га ташрифи давомида маълум қилинди.
Биринчи босқичда хориждан «Арашан», «Ҳисор» ва «Адельбай» зотларига мансуб 15 минг бош наслдор қўй олиб келиниб, иккинчи босқичда уларнинг сони 35 минг бошга етказилади.
Натижада 280 та янги иш ўрни яратилиб, маҳсулдорлик 45–50%га ошади ҳамда вилоятда ҳар йили 35–40 минг тонна сифатли қўй гўшти ишлаб чиқариш имконияти яратилади.
