Андижонда оқова сув тизимларини қуриш ва реконструкция қилиш бошланди
Саида Мирзиёеванинг Андижонга ташрифи давомида эътибор қаратилган сув ва оқова тизимларини реконструкция қилиш ҳамда катта йўлни таъмирлаш масалалари тезкорлик билан ҳал этилиши таъминланмоқда.
Жумладан, аҳолини қийнаб келаётган ушбу муаммони ечиш учун Президентимизга дарҳол ахборот берилди. Натижада, Boburshoh ko‘chasi, Oltinko‘l ko‘chasi кўчаларида кенг кўламли ишлар бошланиб, объектга тегишли топшириқ асосида 98,9 млрд сўм маблағ йўналтирилди, ишга зудлик билан 60 дан ортиқ йирик машина-механизмлар жалб этилди.
Мазкур вазифаларнинг қисқа муддатларда ижро этилиши ҳудудларни ривожлантиришга доир ислоҳотларнинг бош мақсади — инсон қадрини улуғлаш ва халқ розилигига эришиш эканининг амалий ифодасидир.
