Жанубий Корея президенти миллий жамоанинг ЖЧдаги мағлубиятини текширишни буюрди
“Мен бу кутилмаган натижадан шунчаки ҳайратда эмас, балки бутунлай лол қолдим. Агар қобилиятга эмас, ўз одамларимизга устунлик берилса ва раҳбарлик лавозимларига лаёқатсиз одамлар тайинланса, натижа олдиндан маълум бўлади”, деди Ли Же Мёнг.
У аҳоли солиқлари ва давлат ресурслари сарфлангани сабабли Маданият, спорт ва туризм вазирлигидан ҳолатни синчиклаб ўрганишни, бундай ҳолатларнинг олдини олиш чораларини ишлаб чиқишни ва аниқ ислоҳотлар режасини тақдим этишни топширди.
