Қашқадарёда уйидаги «теплица»да 201 кг каннабис етиштирган шахс қўлга олинди

ДХХга кўра, Шаҳрисабзда яшовчи фуқаро ҳовлисидаги 5,3 сотихли иссиқхонада 714 туп наша ўсимлигини парваришлаб келаётгани аниқланган.

Бошқа ҳолатда эса Юнусобод туманида тўхтатилган, муқаддам судланган фуқаро ёнидан 1 кг 994 грамм гашиш чиққан.

Ҳозирда ҳолатлар юзасидан жиноят ишлари қўзғатилиб, тергов ҳаракатлари давом этмоқда.