Трамп АҚШда соатларни мавсумий ўзгартиришни нега бекор қилмоқчи?
АҚШ президенти Дональд Трамп мамлакатда ёзги ва қишки вақтга ўтишни бекор қилишга чақирди.
Трамп Огайо штатидаги митингга йўл олган пайтда журналистларга берган баёнотида Сенатни соатларни йилига икки марта олдинга ва орқага суриш амалиётини бекор қилишга қаратилган қонун лойиҳасини қабул қилишга чақирди.
Президентнинг айтишича, амалдаги тизим мамлакат иқтисодиётига сезиларли юк туширади ва аҳолининг одатий кун тартибини бузади.
Трамп, шунингдек, кўпчилик америкаликлар кундузги ёруғликдан кўпроқ фойдаланишни хоҳлашини таъкидлади. У республикачилардан сенатор Том Коттонни қонун лойиҳасининг Сенатда кўриб чиқилишини тўсиб қўяётганликда танқид қилди.
