Брюссель Москва активларидан фойдалангани учун оғриқли жавоб олади — Россия ТИВ
Европа Иттифоқи Россия активларидан Украинага ёрдам бериш мақсадида фойдалангани учун Москвадан жуда аламли жавоб олади. Бу ҳақда Россия ТИВ расмий вакили Мария Захарова маълум қилди.
Европа мулки ва маблағлари Россияда, биласизки, ҳукуматимиз вакиллари бу ҳақда бир неча бор таъкидлаган. Муқаррар жавоб чоралари Брюссель учун жуда оғриқли бўлади, шу сабабли улар ўз жинниликлари учун ўз ҳамёнларидан тўлашлари керак, — деди Захарова.
Россия ТИВ вакили Россия активларидан олинган фойдани Киевга ўтказиш ғоясини халқаро ҳуқуққа зарба деб атаган. У G7 нинг Украинага Россия активлари ҳисобидан янги кредит бериш ҳақидаги қарори Ғарбни яхшиликка олиб бормаслиги ҳақида огоҳлантирган.
Аввалроқ G7 мамлакатлари етакчилари 2024 йил охиригача Россиянинг музлатилган активларидан тушадиган фойдадан Украинага 50 миллиард доллар ажратиш бўйича келишувга эришгани ҳақида хабар берилган эди. Еврокомиссия раҳбари Урсула фон дер Ляен Еврокомиссия июль ойида Киевга Россия активларидан 1,5 миллиард евро беришини айтган.
Кремль матбуот котиби Дмитрий Песков Россия активларидан олинган фойдани бошқа мақсадларга ўтказиш халқаро молия-иқтисодий тизимнинг барча қоидалари ва меъёрларини бузиш эканлигини ва бу ҳаракатлар Москвада шундай қабул қилинишини айтган эди.
2022 йил февралидан бошлаб G7 давлатлари, ЕИ ва Австралия Россия Марказий банкининг 260 миллиард евролик активларини музлатиб қўйган.
