КХДР спортчилари сўнгги 8 йил ичида илк бор Жанубий Кореяга ташриф буюрди
Шимолий Кореянинг (КХДР) “Naegohyang” аёллар футбол жамоаси аёллар ўртасидаги Осиё Чемпионлар лигаси ярим финалида иштирок этиш учун Жанубий Кореяга борди.
Бу КХДР спортчиларининг сўнгги саккиз йил ичидаги Жанубий Кореяга илк ташрифи бўлди. Ташриф икки давлат ўртасидаги муносабатлар кескинлашган бир пайтда амалга ошмоқда.
Делегация таркибида 39 киши — 27 нафар футболчи ва 12 нафар жамоа ходими борлиги айтилмоқда.
