АҚШда бомбардимончи самолёт ҳалокатга учради, қурбонлар бор
АҚШда бортида саккиз киши бўлган B-52 бомбардимончи самолёти ҳалокатга учради.
B-52 Stratofortress Калифорниядаги Эдвардс авиабазасидан парвоз қилгандан кўп ўтмай ҳалокатга учради.
Самолёт одатий синов парвозини амалга ошираётган эди ва радарини синаб кўраётган эди. Самолёт ёниб кетди ва ҳалокат жойи қалин тутун билан қопланди.
Эдвардс авиабазаси ҳеч ким тирик қолмаганини маълум қилди. Ҳодиса юзасидан тергов ўтказилмоқда.
Fox News телеканалининг хабар беришича, синовлар радарни янгилашнинг бир қисми бўлган. Экипаж таркибига ҳарбий хизматчилар, фуқаролик ходимлари ва синов миссиясида иштирок этаётган пудратчилар кирган.
Эдвардс авиабазаси Калифорниянинг Можаве чўлида, Лос-Анжелеснинг шимоли-шарқида жойлашган.
B-52 Boeing томонидан ишлаб чиқарилган Американинг кўп мақсадли стратегик бомбардимончи самолёти. Самолёт узоқ масофали ядровий ва анъанавий зарбалар учун мўлжалланган.
