АҚШ Анкориж келишувидаги мажбуриятларини бажармади — Юрий Ушаков
«Россия АҚШ Анкориждаги келишувларнинг ўз зиммасига олган қисмини бажармади деб ҳисоблайди, ушбу келишувлар урушни якунлаш шарти сифатида Украина қўшинларини Донбассдан олиб чиқиб кетишни назарда тутган эди.
Томонлардан бири Анкорижда эришилган келишувларни бажаришга қодир эмаслиги маълум бўлди», — деди Россия президентининг ёрдамчиси.
Шунингдек, у Россия Анкориж шартлари бажарилишини эмас, балки ғалабани кутмоқда, деб қўшимча қилди. Унинг сўзларига кўра, Ғарб Москвани мағлуб этишга умид қилиб хатога йўл қўймоқда, Россия қўшинлари эса доимий равишда олдинга силжимоқда.
Эслатиб ўтамиз, Москва талқинига кўра, ўтган йилги Анкориж учрашувида Трамп Украина қўшинларини Донецк вилоятидан олиб чиқиб кетиш шарти билан урушни тугатишни таклиф қилган эди. Бунда у Киевни бунга ундаш мажбуриятини ўз зиммасига олган.
Аммо Зеленский қўшинларни олиб чиқиб кетишдан бош тортган ва Трамп унга нисбатан Starlink’ни ўчириб қўйиш ёки разведка маълумотларини узатишни тўхтатиш каби бирон-бир босим чораларини кўрмаган.
