Павел Дуров Тошкентдаги информатика олимпиадаси ғолибларига 117 минг долларлик мукофот тарқатади

Telegram асосчиси Павел Дуров бугун Тошкентда Халқаро информатика олимпиадаси — IOI 2026 бошланганини маълум қилди.

Telegram 235 нафар ғолибга умумий қиймати камида 117 минг доллар бўлган рақамли коллекцион «Алгоритмлар кубоклари»ни топширади.

Дуров, шунингдек, IOIнинг Ўзбекистонда ўтказилаётгани рамзий аҳамиятга эга эканини таъкидлади. Чунки алгоритм сўзининг келиб чиқишига асос бўлган буюк аллома Муҳаммад ал-Хоразмий айнан шу юрт фарзанди ҳисобланади.