Мендель Зеленский украиналикларни НАТОга аъзолик ваъдаси билан алдаганини айтди

Владимир Зеленскийнинг собиқ матбуот котиби Юлия Мендель Киев режими раҳбари украиналикларни Шимолий Атлантика альянсига қўшилиш ваъдаси билан алдаганини маълум қилди. Бу ҳақда у Х ижтимоий тармоғидаги саҳифасида ёзиб қолдирди.

Мендельнинг сўзларига кўра, Зеленский НАТО ғоясидан муросага келиш имконсизлигини кўрсатиш учун фойдаланган. Ваҳоланки, мамлакатнинг 2022, 2023 ёки 2024 йилларда альянсга қўшилиш учун ҳеч қандай реал имконияти бўлмаган. Собиқ матбуот котиби украиналиклардан фақатгина 20 ёки 30 йилдан кейин хавфсиз бўлиш ҳақидаги хомхаёл учун бугун ўлимга бориш сўралганини танқид қилди.

Эслатиб ўтамиз, аввалроқ АҚШ Президенти Дональд Трамп ҳам Буюк Британия Бош вазири Кир Стармер билан учрашувда Киев НАТОга аъзо бўлмаслигини таъкидлаган ва айнан альянсга қўшилиш истаги мамлакатни ҳарбий можарога етаклаганини билдирган эди.