Португалия авиакомпанияси Роналду шарафига самолётдаги 7C ўриндиғидан воз кечди
Португалиянинг Transavia авиакомпанияси Криштиану Роналдунинг миллий терма жамоадаги фаолияти якунлангани муносабати билан ўзига хос ташаббусни амалга оширди.
Компания футболчининг туғилган шаҳри — Мадейра оролидаги Фуншалга амалга ошириладиган рейсларда 7C рақамли йўловчи ўрнини фойдаланишдан чиқаришга қарор қилди.
Бу ҳақда авиакомпания ижтимоий тармоқларда маълум қилди. Эълонга 7C ўриндиғига Роналдунинг 7-рақамли Португалия терма жамоаси либоси қўйилган сурат илова қилинди.
Эслатиб ўтамиз, Роналду Португалия терма жамоасидаги 23 йиллик фаолияти давомида 234 та ўйин ўтказиб, 146 та гол урган.
41 ёшли ҳужумчи 2022 йил охиридан буён Саудия Арабистонида фаолият юритмоқда.
