Ўзбекистонлик қиличбозлар ШҲТ Очиқ кубогида 3 та медаль қўлга киритди
Спорт вазирлиги хабарига кўра, 19–22 ноябрь кунлари Москвадаги “Чкалов Арена” спорт мажмуасида 10 та давлат вакиллари иштирокида қиличбозлик бўйича ШҲТ Очиқ кубоги бўлиб ўтмоқда.
Мусобақада эркаклар ўртасида рапира йўналишида Даниил Кравтсов кумуш, аёллар ўртасида шпага йўналишида эса Севара Раҳимова ҳамда Санам Назарова бронза медалига сазовор бўлган. Баҳслар давом этмоқда.
