Бензема “Олтин тўп”га лойиқ футболчини айтди
“Реал”нинг собиқ ҳужумчиси Карим Бенземанинг фикрича, Винисиус Жуниор “Олтин тўп”ни қўлга киритиши керак.
Бразилиялик футболчи ўтган мавсумнинг иккинчи ярмида айниқса ажойиб ўйнади ва жамоанинг Ла Лига ва Чемпионлар Лигасидаги ғалабаларига муҳим ҳисса қўшди.
“Винисиус шундай мавсумдан сўнг “Олтин тўп”га лойиқ – нафақат бу йилги фаолияти, балки ўтган йилдаги меҳнати учун ҳам. У ҳал қилувчи футболчи”, – деди Бензема Madrid Zone нашрига.
