17210 бола Исроил армиясининг Ғазодаги ҳужумлари қурбони бўлди
2023 йил 7-октабрдан буён 17210 нафар бола Ғазо секторида Исроил армияси ҳужумлари қурбони бўлди.
Ғазо ҳукумати матбуот хизмати баёнотида Исроил томонидан 386 кун давомида амалга оширилган ҳужумлар ҳақида маълумот берилган.
Исроил армиясининг 2023 йил 7-октабрдан буён Ғазо секторига уюштирган ҳужумлари натижасида қурбон бўлганлар сони фақат охирги 24 соат ичида 38 кишига етди.
Қайд этилишича, Исроилнинг 2023 йил 7-октабрдан бери Ғазо секторига уюштирган ҳужумлари натижасида ҳалок бўлганларнинг 69 фоизи болалар ва аёллардир.
Жами 42 885 киши Исроилнинг Ғазо секторига ҳужуми қурбони бўлди, улардан 17 210 нафари болалар ва 11 742 нафари аёллар. Бундан ташқари, анклавнинг яна 100 544 нафар аҳолиси жароҳатланган.
10 мингдан ортиқ одам бедарак йўқолганлар рўйхатида. Ҳалок бўлганларнинг жасадлари ҳали ҳам вайрон бўлган бинолар вайроналари остида ва йўл четларида қолмоқда. Тез ёрдам бригадалари ва фуқаролик мудофааси кучлари вакиллари Исроил кучлари томонидан юзага келган тўсиқлар туфайли уларга етиб бора олмаяпти, дейилади хабарда.
