Ўзбекистон фуқаролари 12 тонна гуручни Қирғизистонга олиб ўтишга уринди
Боткен божхона бошқармаси ходимлари икки ўзбекистонлик бошқарувидаги Hyundai Porter машинасидан 480 та қопда 12 минг кг. гуруч топган.
Бироқ улар божхона назорати тугашини кутмасдан, божхона ходимлари рухсати ва кузатувисиз кўрикдан ўтказилаётган жойдан чиқиб кетишган.
Машина кейинроқ Пульгон қишлоғида топилган. Гуручнинг умумий қиймати 2 400 000 сом (355,6 млн сўм)га баҳоланган.
