Трамп АҚШдан ноқонуний муҳожирларни депортация қилиш бўйича рейдларни кучайтирилга чақирди
АҚШ президенти Дональд Трамп АҚШнинг Лос-Анжелес, Чикаго ва Нью-Йорк каби йирик шаҳарларида ноқонуний муҳожирларни ҳибсга олиш ва депортация қилиш бўйича саъй-ҳаракатларни кенгайтириш зарурлигини маълум қилди.
Трамп Truth Social ижтимоий тармоғида АҚШ Иммиграция ва божхона назорати (ICE) ходимлари «жуда муҳим миссия – тарихдаги энг йирик ноқонуний мусофирларни оммавий депортация қилишда ақл бовар қилмайдиган куч, қатъият ва жасорат кўрсатди», деб ёзди.
«ICE офицерлари ушбу Ҳақиқат хабарномаси орқали тарихдаги энг йирик оммавий депортация дастурини амалга оширишдек муҳим мақсадга эришиш учун қўлларидан келганини қилишга йўналтирилган. Бунинг учун биз Американинг Лос-Анжелес, Чикаго ва Нью-Йорк каби йирик шаҳарларида ноқонуний мусофирларни ҳибсга олиш ва депортация қилиш бўйича саъй-ҳаракатларни кенгайтиришимиз керак» – деди Трамп
